L'alemán, que llegó al club azulgrana llibre en 2023, arrenuncia a les dos temporaes de contrautu que-y quedaben pa realcontrase con Guardiola
Illkay Gündogan
El Fútbol Club Barcelona desapégase d'Ilkay Gündogan, quien decidió tornar pal Manchester City pa realcontrase con Pep Guardiola. Llego d'ende va un añu convencíu de qu'en Barcelona atoparía estabilidá y felicidá deportiva, arriendes d'económica porque-y ufiertaba un contrautu llargu (xuno 2025), con oución a otru añu más. Mas Gündogan, namás 12 meses depués, yá ta tornando pa Inglaterra.
L'alcuerdu, desembucháu por Pol Ballús en 'The Athletic', yá ta robláu y fadríase oficial nes prósimes hores. Va firmar pol club inglés diquiá 2025, con oución a otra temporá más. Amás, l'alemán ta entamando tamién tornase, desque acabe la so carrera deportiva como futbolista, n'entrenador, polo que volver a trabayar con Guardiola-y supón otru envizcu estra. Non solo nel campu sinón tamién na xestión dende'l vestuariu.
Y'l Barça llíbrase d'un problema. S'esfai d'un problema, sobremanera, financieru. D'ehí que-y conceda la carta de llibertá al centrocampista alemán. Llibre vieno del City. Llibre marcha del club azulgrana, negáu a asumir el so altu salariu, alreor de 20 millones d'euros brutos añales, ún de los más altos de la plantía xunta'l de Lewandowski y Frenkie de Jong.
Pa tornar a Inglaterra, el xugador arrenuncia a los dos años de contrautu que-y quedaben nel Barça. Anicialmente firmó diquiá 2025, mas al xugar más del 60% de los partidos na so primer temporá se-y enantaba ta xuno de 2026. Mas Gündogan nun quería tar nun club onde nun querín -nin Laporta, nin Deco, nin Flick- que toviera como se-y fixo saber per diferentes víes, facilitando elli mesmu, amás, la so salía.
Esa foi la xugá diseñá por Deco, el direutor deportivu del Barcelona, que cuntó cola complicidá del téunicu Hansi Flick pa lliberar el 'fair play' precisu pa iscribir a Dani Olmo. Llíbrase'l Barça d'un 'maletu ecónomicu', que-y resultaba inasumible, firmá va malpenes un añu pola direutiva de Laporta.
Pa tornar a Inglaterra, el xugador arrenuncia a los dos años de contrautu que-y quedaben nel Barça. Anicialmente firmó diquiá 2025, mas al xugar más del 60% de los partidos na so primer temporá se-y enantaba ta xuno de 2026. Mas Gündogan nun quería tar nun club onde nun querín -nin Laporta, nin Deco, nin Flick- que toviera como se-y fixo saber per diferentes víes, facilitando elli mesmu, amás, la so salía.
Esa foi la xugá diseñá por Deco, el direutor deportivu del Barcelona, que cuntó cola complicidá del téunicu Hansi Flick pa lliberar el 'fair play' precisu pa iscribir a Dani Olmo. Llíbrase'l Barça d'un 'maletu ecónomicu', que-y resultaba inasumible, firmá va malpenes un añu pola direutiva de Laporta.
Y llíbrase Flick tamién d'un xugador con calter y escomuná personalidá, capaz de dicir les coses d'un xeitu claru, ensin abellugáse na diplomacia o nos tópicos. Dixo'l téunicu que quería meyor que 'Gundo' quedara, más díes llueo yá nun tará en Barcelona.
Ansina denunció Gündogan detalles que nun-y gustaren nel vestuariu cuando namás taba cuatro meses nel club, darréu la derrota nel clásicu contra'l Madrid en Montjuïc (1-2). Asocedió n'ochubre pasáu. Ansina criticó Gündogan a Araujo pola so decisión de cometer falta sobre Barcola, que-y custó la espulsión na vuelta de los cuartos de final col Paris SG en Montjuïc. Y la eliminación europea. Asocedió n'abril.
Ansina denunció Gündogan detalles que nun-y gustaren nel vestuariu cuando namás taba cuatro meses nel club, darréu la derrota nel clásicu contra'l Madrid en Montjuïc (1-2). Asocedió n'ochubre pasáu. Ansina criticó Gündogan a Araujo pola so decisión de cometer falta sobre Barcola, que-y custó la espulsión na vuelta de los cuartos de final col Paris SG en Montjuïc. Y la eliminación europea. Asocedió n'abril.
Vuelta pa casa
Pel momentu, guarda'l so enoxu. Nun lu tresmite públicamente, feliz, eso sí, de tornar pal City, sacrificando'l salariu que tenía nel Barça, coscente de que precisaba la carta de llibertá pa tornar a Manchester. Del club al qu'aportó (Xavi nel banquiellu; Mateu Alemany y Jordi Cruyff na direición deportiva) yá nun queda naide.
N'Inglaterra sigue tando, en cambeu, Guardiola, quien-y abriera les puertes del vestuariu p'acoyelu nel club y na ciodá na que foi feliz. Tamién lu yera en Barcelona, mas lu emponeren a marchar. Tuvo l'alemán siete años nel Etihad Stadium, onde llogró 14 títulos: 1 Champions, 5 Premiers, 2 FA Cup, 4 Carabao Cup y 3 Community Shields.
Va un añu, cuando dexaba'l City, Txiki Begiristain, secretariu téunicu, dexó una fras que resultó premonitoria. "Ilkay foi un xugador maraviellosu pal Manchester City. Dexa nuestru club nun puntu mui altu al tenenos capitaniao nun triplete hestóricu. Mos dexa sabiendo que siempre será bienveníu nesti club", afirmó. Y ehí torna.
N'Inglaterra sigue tando, en cambeu, Guardiola, quien-y abriera les puertes del vestuariu p'acoyelu nel club y na ciodá na que foi feliz. Tamién lu yera en Barcelona, mas lu emponeren a marchar. Tuvo l'alemán siete años nel Etihad Stadium, onde llogró 14 títulos: 1 Champions, 5 Premiers, 2 FA Cup, 4 Carabao Cup y 3 Community Shields.
Va un añu, cuando dexaba'l City, Txiki Begiristain, secretariu téunicu, dexó una fras que resultó premonitoria. "Ilkay foi un xugador maraviellosu pal Manchester City. Dexa nuestru club nun puntu mui altu al tenenos capitaniao nun triplete hestóricu. Mos dexa sabiendo que siempre será bienveníu nesti club", afirmó. Y ehí torna.
FONTE: LA NUEVA ESPAÑA
Publicar un comentario