La conxunta italiana nun baxará d'esa cifra pa dexar marchar a la so gran estrella
120 millones d'euros ye lo que pide'l Milan por Rafael Leao. Son varios los equipos que s'arimanon al xugador portugués y la rempuesta de los dirixentes del club italianu nun varió dende qu'escomienzó'l mercáu de fichaxes. La propiedá del Milan sabe que ye'l so principal ativu económicu y como tal quieren sacar reitu por un trespasu del estremu.
El Milan nun inculta que l'internacional portugués tá en venta y si llega una ufierta que s'avere a esa cantidá, cambiará de paecer. Y pa más, tanto'l propriu club como'l futbolista, firmanon diferentes autorizaciones pa poner el so nome so la mesa en varios mercaos.
Ún d'ellos foi'l saudí, que llegó a ufrir una propuesta de 70 millones d'euros más bonus, que podría llevar el trespasu a los 90 millones, mas el Milan sigue con esos 120 millones d'euros como cantidá inarrenunciable pa da' la llibertá a un xugador que veranu tres veranu tá nel escaparate de futbolistes suxetos a una posible venta.
Tou aquel que s'averara al Milan, yá sabe que la operación nun va ser nin cenciella nin barata. Esos 120 millones pondrín-y al portugués como la gran referencia del veranu en cuantes a cantidá de dineru. Como asocediera n'otres temporaes el Milan quier tratar un negociu que lu pon práuticamente no imposible.
Jorge Mendes, contrariamente a lo que cuerre, nun ye l'axente de Leao. El conocíu representante tien bona rellación col xugador y tá ufriéndolu a varios equipos, ente ellos, el Barcelona. El so futuru tá en manes de so familia, asesoráu por abogaos y representantes que se mueven en diferentes mercaos.
Si bien al entamu del periódu de fichaxes d'estivu de 2024 la so cláusula yera de 170 millones d'euros, agora esa referencia desapaeció, y tou aquel que busque'l fichaxe del xugador portugués habrá de combalachar col Milan.
Tres el mercáu de veranu de 2023, Leo y'l Milan ciarranon un tratu p'enantar el contrautu que los xune diquiá'l 30 de xuno de 2028.
Publicar un comentario